Развојна Академија е екосистем за личен, професионален и општествен развој.
Создаваме промени преку едукација, коучинг, консалтинг, книги, програми и стратешки партнерства. Веруваме дека развојот на еден човек создава посилни семејства, посилни организации и похумано општество.
Нашата работа се движи на три нивоа
Да создадеме услови луѓето и организациите да го развијат својот потенцијал и да придонесат кон култура на живеење заснована на човечност, достоинство, емпатија и одговорност.
Општество во кое секој човек има можност да расте, секоја жена има простор да лидерствува, секое семејство има поддршка, а организациите создаваат вредност не само преку резултати, туку и преку позитивно влијание врз луѓето.
Нашите вредности
Дороти Пачкова
Јас сум Дороти Пачкова, холистичка развојна консултантка, практичарка на пристапи за траума-информиран развој, НЛП-мастер коучка, системска констелаторка и експертка за личен и професионален развој.
Имам магистратура во социјални и хуманистички науки — родови студии, што ми овозможува да работам длабински со индивидуи и организации на теми како што се лидерство, инклузија, лична и општествена трансформација и балансот помеѓу професионалниот и приватниот живот. PhD докторантка сум на културолошки студии.
Сертификации и специјализации
Професионално работно искуство
Основачка и лидерка на женско неформално движење за правата на самохраните мајки и маргинализираните девојки и жени.
- – Водев иницијативи за законски измени, јавни кампањи и програми за поддршка
- – Основав мрежа за застапување на правата на ранливи жени
Основачка и претседателка на граѓанското здружение за родова еднаквост „Една може!“.
- – Дизајнирав и спроведов проекти за еманципација, економска независност и лидерство на жените
- – Обезбедив домашни и меѓународни фондови за поддршка на жени во ризик
- – Соработував со институции, приватен сектор и меѓународни организации
Основачка на социјално претпријатие за зголемување на пристапот на жените до пазарот на труд.
- – Развив обуки за кариерен развој, претприемништво и економска слобода за жени
- – Создадовме мрежа за поддршка и вработување на жени од ранливи категории
Основачка и лидерка на мрежата на граѓански организации за зајакнување на жени „ЈунајтедФем“.
- – Креираме јавни политики за родова еднаквост и демократизација на општеството
- – Ја јакнеме женската резилиентност и учеството на жените во највисоките нивоа на одлучување
Дизајн и водење на целогодишни програми за зајакнување на девојки и жени — интензивни интердисциплинарни програми за личен развој, лидерство и финансиска независност. Работев со над 500 жени и девојки.
Обука за економска слобода за жени — програми за финансиска писменост, претприемништво и независност.
Професорка по родови науки — родова теорија, активизам и феминистички студии; менторство на студентки и професионалки.
Основачка на Развојна Академија Квинтастични — консалтинг, коучинг и тренинзи за индивидуи, тимови и организации.
Фасилитаторка на женски кругови — безбеден простор за личен и духовен развој на жени.
Организаторка на првиот женски ретрит „Сама своја мама“ — програма за женска моќ, самодоверба и интуитивно свесно лидерство.
Моето професионално патување
Патека на интеграција, искуство и интуиција.
Некогаш животот не шепоти – туку не повикува. Тогаш нешто во мене рече: „Ова не е само професионална и лична приказна. Ова си ти и светот – па повели остави поинаков печат – за големо добро.“ Ја открив мојата мисија да водам, поддржувам и да создавам простори за трансформација. За некого тоа беше промена. За мене – враќање дома.
Започна визионерската работа – како жив организам што дише со секоја приказна на оние што доаѓаат и си заминуваат. Секоја акција, собир, обука, сесија, работилница – беа врата што води до уште понежното себе.
Не знаев како, но знаев зошто. Создадов организација. Влегов во институциите. Кокреирав јавни политики. И отворив простор за над 5.000 жени да се препознаат, соберат и запомнат дека не се сами. Храброста не е отсутност на страв – туку љубов поголема од сè.
Го создадов моето прво социјално претпријатие, насочено кон вработување и оспособување на девојки и жени од ранливи позадини. Енергијата е твојот најважен ресурс – и штом ја усогласиш со твојата мисија, стануваш несопирлива.
Го дизајнирав мојот прв целогодишен тренинг, фокусиран на индивидуален и корпоративен развој – програми за вистинска трансформација.
НЛП, коучинг, енергетски пристапи – но и нешто што не се учи: интуитивно присуство. Индивидуални клиенти кои одеа подлабоко отколку што мислеа дека е возможно; тимови што почнаа да функционираат со синергија.
Сфатив дека потребата за мојата работа не е само локална, туку глобална. Следуваше понуда да предавам родови науки на колеџ – и така се родија услугите „Почни од себе“.
Додека светот се затвораше, се отворија внатрешни врати. Онлајн програмите станаа патеки до сржта, а контактот со клиенти од целиот свет го проширија досегот и длабочината.
Ослободив стари обрасци и се фокусирав на вистинските работи. Станав мајка на три деца и ја создадов програмата Квинтастични, со која Развојна Академија стана мојот главен фокус.
Работам со жени што знаат дека не мора да избираат меѓу интуиција и резултати, и мажи што се доволно храбри да се појавуваат целосни. Со организации што го бараат подлабокиот, почовечки начин на водење. Твојата визија е важна. И заслужува структура, водство и љубов.
Живи сведоштва
Од оние што го допреа својот потенцијал.
„Работата со Дороти ми го смени животот. Конечно се вратив дома – во себе. Со нејзината поддршка, ги надминав своите стравови и ја изградив мојата визија како жена и како лидерка.“
Елена, докторка на науки„Ова не беше обичен коучинг. Ова беше длабока, духовна хирургија. Преку нејзините водства, најдов мир, сила и нова насока за мојот живот и за мојот бизнис.“
Наташа, претприемачка„Не знаев што ми недостига додека не почнав да работам со Дороти. Сега ја слушам мојата интуиција. Имам алатки. Имам визија. И никогаш повеќе не се плашам дека сум изгубена.“
Марина, лидерка во јавниот сектор„Најголемата инвестиција што сум ја направила: не во програма, туку во себе – преку водството на Дороти.“
Даниела, извршна директорка„Како консултантка, Дороти внесе перспектива која ја немавме видено – ниту очекувано. Не стануваше збор само за стратегија, туку за свесна култура, одговорно лидерство и човечки пристап. Нашиот тим порасна, и се поврза на ново ниво.“
Александар, генерален менаџер„Таа го отвори просторот за женско лидерство во нашата структура – не како квота, туку како квалитет. Преку процесите што ги водеше, жените во нашата организација проговорија, застанаа, и донесоа нов креативен импулс.“
Елена, директорка за развој на човечки ресурси„Работевме со Дороти во критичен момент на промени. Нејзината способност да слуша, анализира и води со интегритет беше пресудна. И донесе резултати – не само на хартија, туку во луѓето.“
Зоран, раководител на сектор, јавна установа„Ниту една обука не ни ја донесе свеста што ја добивме од нејзините процеси. Ова не беше само консултантство и коучинг – ова е организациска трансформација.“
Теа, коосновачка на стартапДали сакате да бидете дел од културата на живеење?
Разговорот започнува овде.